Kryeministri Rama ka zhvilluar gjithashtu një takim me Denys Shmyhal, kryeministrin e Republikës së Ukrainës.
Ashtu sikurse e përmendi edhe në konferencën me Presidentin Zelensky dhe kryeministrin Abazoviç, Rama tha se Kosova është një vend që e ka mbështetur Ukrainën që nga dita e parë dhe se duhet ta njohin si shtet i pavarur pasi e meritojnë.
Po ashtu Rama i tha homologut të tij se Shqipëria ka dhuruar 1 milion euro, një vlerë e konsiderueshme për buxhetin e Shqipërisë dhe përsëriti idenë për të ndërtuar një bllok banesash në Ukrainë.
Kosova që prej ditës së parë është rreshtuar përkrah Ukrainës. Ukraina ende nuk e ka njohur Kosovës, e thashë që ju të rikonsideroni njohjen e Kosovës pasi ata njerëz e meritojnë. Dëshmuan një gjë të jashtëzakonshme, nuk mbetën peng i së shkuarës. Do të ishte mirë që Ukraina të përçonte mesazhin e duhur në emër të komunitetit të ri që duam të ndërtojmë së bashku. Kryeministër faleminderit që ndatë me ne realitetin. Ishte mallëngjyese dhe e dhimbshme të shihje si qytetet e gjalla ishin kthyer në të humbura. Shqipëria ka dhuruar 1 milion euro, për buxhetin tonë ishte diçka që tregon respek për ju, duam të bashkohemi me vendet e tjera dhe të ndërtojmë një bllok për të kujtuar që Ukraina kishte miq dhe për të treguar solidaritetin me fakte dhe jo me deklarata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
