Analisti Enton Abilekaj, i ftuar në emisionin "Të Paekspozuarit" në MCN TV, e konsideron humbjen e opozitës në zgjedhjet lokale, një disfatë të rëndë që nuk mund të justifikohet me blerjen masive të votave.
Ai tha se zgjedhjet kishin parregullsi, por rezultati nuk mund shpjegohet vetëm me blerjen e votave. Sipas analistit, kjo lidhet me faktin se qytetarët nuk kanë më besim te opozita.
Është një disfatë elektorale, që nuk mund të kalojë duke thënë u blenë votat. Ne e dimë që zgjedhjet ishin të parregullta. Ju e keni pyetur opozitën për këtë dhe kanë thënë që nuk do ta lejojnë. Edi Rama e bëri, por në këtë nivel dhe diferencë, nuk është vetëm kjo. Tregon se njerëzit nuk kanë më lidhje me opozitën dhe nuk besojnë më te opozita.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
