Albana Fico, e cila mbante postin e drejtoreshës së Qendrës Spitalore Universitare Nënë Tereza (QSUT) është larguar nga detyra.
Nuk dihen ende arsyet e largimit të Ficos nga detyra që e mori 3 vite më parë. Megjithatë vlen për t’u theksuar që së fundmi Urgjenca e re e QSUT u përfshi nga zjarri.
Për këtë ngjarje Prokuroria e Tiranës ka regjistruar procedimin penal për veprën penale “Shkatërrimi pronës me zjarr”.
Albana Fico ka qenë gjithashtu në qendër të akuzave të opozitës në lidhje me tenderat e barnave.
Kujtojmë që Urgjenca në spitalin e sëmundjeve të brendshme në "QSUT" është jashtë funksionit prej 11 shkurtit, pasi zjarri përfshiu katin -1 të ndërtesës.
Më dhjetor të vitit 2021 Albana Fico u emërua drejtoreshë e QSUT-së, duke zëvendësuar në këtë detyrë Enkelejdi Jotin.
Më heret Fico mbante postin Drejtoreshës së Përgjithshme të Insitutit të Shëndetit Publik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
