Kryedemokrati Sali Berisha ka deklaruar se Partia e krijuar nga Alibeaj këtë të shtunë është e mbështetur nga ish-ministri i Brendshëm Taulant Balla për të dëmtuar opozitën.
Ndërkohë në konferencën për mediat u ndal edhe te buxheti për vitin 2025, ku paralajmëroi se nga mazhoranca do propagandohet si buxheti më i madh, por sipas tij paratë do të vidhen me ndërtime të pjesshme rrugësh e me kosto të fryra.
Berisha paralajmëroi se nuk do e lërë mazhorancën që ta miratoj këtë buxhet në Parlament pasi sipas tij është thyer çdo balancë.
Ndërkohë sa i përket aksionit të opozitës ai tha se mosbindja civile do të vijojë deri në krijimin e qeverisë teknike për të organizuar zgjedhjet, por përjashton modelin e 2013 pasi e cilëson të dështuar. Vija e kuqe sipas tij është Edi Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
