Kumbaro mbledh komitetin e turizmit, në fokus menaxhimi i mbetejeve dhe stacioneve të plazhimit

Ministria e Turizmit, Mirela Kumbaro ka mbledhur në Vlorë komitetin e turizmit për të bashkërenduar punët sa i takon manaxhimit të sezonit turistik.  

Kumbaro vuri theksin kryesisht të rëndësia e menaxhimit të mbetjeve, pastrimit të territorit si dhe përfundimi i aplikimeve për menaxhimin e stacioneve të plazhimit. E pyetur mbi mungesën e bashkisë, Kumbaro tha: “Jemi në komunikim me të gjithë, por është e rëndësishme që t’i japim vëmendje sektorit privat”.

Në këtë kuadër, operatorët turistik ngritën shqetësimin e mosrakordimit të agjensisë së Bregdetit dhe bashkisë për stacionet e plazhit. Kreu i operatorëve turistik për Jugun tha se është e nevojshme të mos krijohet situata e vitit të kaluar 

Ndër shqetësimet madhore të ngritura nga operatorët turistik,  ishte edhe rishikimi i planit urbanistik të zonës së Radhimës.  

Operatorët turistik në Vlorë i parashtruan ministres një sërë problematikash për të cilat Kumbaro theksoi se do të ketë angazhim për t’i zgjidhur para sezonit turistik”, u shpreh Elidon Nika.

Kumbaro tha se të gjitha përgjigjet e ministrisë së Turizmit ishin konkrete.

Të gjitha përgjigjet qoftë për certifikimin e operatorëve detarë dhe unë përfitoj nga ky moment për t’u bërë thirrje të gjithë operatorëve detar të paraqiten në ministri për t’u pajisur me certifikatën e operatorit detar, në mungesë të së cilës s’do lejohen të ushtrojnë aktivitetin e tyre”, tha ministrja.