Alimehmeti: Veliaj mposhtet, mjafton të biem dakord që mund të administrosh pa vjedhur

Ilir Alimehmeti, pritet të jetë një nga kandidatët e primareve të PD, për të garuar më pas si kandidat për kryetar të Bashkisë së Tiranës.

Në emisionin "Të Paekspozuarit" në MCN TV, Alimehmeti tha se Erion Veliaj mund të mposhtet edhe pse është krijuar "miti i pathyeshmërisë", mjafton që të biem dakord se qyteti mund të administrohet "edhe pa vjedhur".

Sado është krijuar një mit i pathyeshmërisë, po është e mundur. Mjafton të biem dakord që mund të administrosh pa vjedhur. Mund të zhvillosh qytetin pa bërë marrëveshje të kryetarit me firma të caktuara.  Ajo që ne vuajmë, nuk pyet njeri çfarë tesere ke, në fund të fundit të njëjtin ajër thith kur del jashtë. Ajo fatura që hapim ne në fund të muajit, quhet ujë i pijshëm, por nuk është uji i pijshëm. Si do e zgjidhim ne këtë? Ndaj këtyre problemeve jemi të gjithë të ekspozuar. Ne jemi akoma në fazën që nuk kemi një datë kur shpallen kandidatët. Duhet ti marrim hapat njëri pas tjetrit. Primaret do të angazhojnë anëtarësinë, votuesit, njerëzit.