Kreu i Grupit Parlamentar të LSI-së, Petrit Vasili ka shpjeguar deklaratën e Luan Ramës bërë dy ditë më parë kur tha se, kishte dy zgjedhje ose shkarkimin e Manjanit ose shkarkimin e Ramës.
Vasili u shpreh se deklarata ishte se pas konfliktit mes Manjanit dhe Ramës prevalon propozimi i Kryeministrit si drejtues i qeverisë. I pyetur nëse qëndrimet e ishministrit të Drejtësisë janë qëndrime të LSI, Vasili tha se ato janë qëndrime personale.
Për kanabizimin e vendit, Vasili tha se ka një shqetësim që nuk është më i lokalizuar por ka marrë edhe shqetësimin e mediave botërore. “Është një problem që duhet t’i dalim ballas, nuk mund t’i ikim problemit”, tha Vasili.
I pyetur mbi deklaratën “paralajmëruese” për deputetët e LSIsë që të kenë kujdes mos u fut drogë në makinë, Vasili e mohoi një gjë të tillë.
I ngacmuar nga Blendi Fevziu, i cili e pyeti nëse “është e vërtetë se keni lënë biçikletën për të lëvizur me makinë për të shmangur futjen e drogës”, ai dha këtë përgjigje: “Nuk kam bërë një argument të tillë. Po të kisha një qëndrim të caktuar do ta kisha bërë publik.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
