Deputetja e LSI e cila ka mbajtur postin e ministres së Integrimit, Klajda Gjosha ka reaguar pas vendimit të Ramës për të ndryshuar emrin e Ministrisë së Jashtme duke futur në të edhe Ministrinë e Integrimit.
Rama tha se ministria e Jashtme do të quhet Ministria për Evropën dhe Punët e Jashtme. Përmes një statusi në ‘Facebook’ Klajda Gjosha thotë se integrimi nuk është çështje emërtimi institucioni, por çështje vizioni.
“ Integrimi nuk është çështje emërtimi institucioni, por cështje vizioni dhe strategjie. Sado I bukur të tingëlloj sot titulli I Ish Ministrisë së Jashtme, qartësia e koordinimit te këtij procesi është thelbi që siguron vazhdimësinë e ëndrrës së Shqipërisë dhe shqiptarëve”- ka shkruar Gjosha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
