Deputeti i PD, Agron Shehaj i ftuar në emisionin "Të Paekspozuarit" në MCN TV zbuloi se ka patur takime me Sali Berishën, ku kanë folur për gjendjen e partisë dhe nevojën për të bashkuar partinë.
Shehaj është një nga politikanët më të votuar të kësaj force politike dhe deklaroi se e mirëpret idenë e Berishës për hapjen e partisë dhe lejimin e fraksioneve.
E kam takuar zotin Berisha. Edhe pasi kandidova për kryetar të PD edhe pasi është marrë vendimi i non-grata. Ishte bisedë e thjeshtë, normale. Më tha mendimet e veta që nuk janë shumë larg atyre që zoti Berisha thotë publikisht.
Më vuri në dijeni me mendimet e veta. Unë i thashë çfarë mendoj. Asgjë sekrete. Këto që them edhe në publik, gjendjen në PD, çfarë duhet të bëjmë për të fituar zgjedhjet. U fol për këtë, që kemi një hall të madh brenda PD-së, duhet të ribashkojmë PD-në, të jemi më të besueshëm te demokratët dhe tek shqiptarët.
Më tha që e pa të paarsyeshëm veprimin e kryetarit të PD, duke patur parasysh atë që ju përmendët, që unë isha një nga më të votuarit.
Ndërsa i pyetur nga gazetari Rakipi nëse do krijojnë fraksione në PD, Shehaj tha se, “Mendoj se është e rëndësishme që Berisha ka filluar të flasë për demokraci në PD, për hapje dhe meritokraci, apo për mendimin ndryshe. E vlerësoj për faktin që pranon apo propozon lejimin e fraksioneve, kjo është gjë shumë e mirë. Shpresoj që këto hapësira të shfrytëzohen. Mua më intereson të pranohet mendimi ndryshe”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
