Komisioneri Shtetëror i Zgjedhjeve, Ilirjan Celibashi, ka takuar sot Ambasadoren e BE në Tiranë, Christiane Hohmann.
Në një postim në rrjetet sociale, Celibashi thekson se në fokus të takimit ishin zgjedhjet vendore 2023 si dhe projektet e përbashkëta KQZ-BE.
Pata kënaqësinë të takoj Ambasadoren e BE në Tiranë, zonjën Christiane Hohmann, me të cilën bashkëbiseduam mbi përgatitjet e KQZ për zgjedhjet vendore 2023, rëndësinë e një procesi zgjedhor me integritet dhe me standarde në rrugën e integrimit të Shqipërisë në BE.
Diskutuam gjithashtu, për projektet e përbashkëta KQZ-BE dhe ambasadorja Hohmann konfirmoi mbështetjen e Delegacionit të BE për institucionin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
