Kryeministri Edi Rama nëpërmjet një postimi në facebook ka dhënë mesazhin se në Shqipëri mund t’ia dalësh nëpërmjet shkollës. Rama ka shpërndarë videon e një vajze e cila thotë se për shkak të punësimit, që vjen si rezultat i shkollës por edhe i aplikimit në platformën e punësimit, sot është dikushi.
Rama thotë se me aftësi dhe meritë ajo po i shërben me devotshmëri vendit të saj.
Postimi i Edi Ramës:
TË RINJTË NË PUNË ME MERITË – Me të drejtë, Arlinda Lisha thotë se në këtë vend mund t’ja dalësh me meritë dhe aftësi, pasi ajo vetë fitoi me forcat e veta, me mundin e rezultateve të studimeve të saj, vendin e punës si Specialiste e Shërbimit të Provës në Krujë, duke iu bashkuar atyre qindra të rinjve që sot rrezatojnë energjinë dhe vendosmërinë për ta ndërtuar me punë jetesën, duke i shërbyer me devotshmëri vendit të tyre.
Vetëm me një klik në platformën e punësimit të ekselentëve “Punë të Mbarë” http://punetembare.gov.al/Arlinda, studente e degës Psikologji Sociologji arriti të integrohet në administratën shtetërore dhe të fitojë po me meritë, titullin e nënpunëses së shërbimit civil.
Si Arlinda, janë 602studentë ekselentë që falë kësaj platforme, fryt i paktit për universitetin, janë bërë vlerë e shtuar për burimet njerëzore të administratës sonë publike dhe 491 prej tyre kanë fituar përmes konkursit, pozicione në shërbimin civil.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
