Në studion e MCN Informacion u diskutua në lidhje me përpjekjet për një marrëveshje mes SHBA-ve dhe Iranit. Juristi Evarist Beqiri tha se përmbysja e regjimit në Iran kërkon domosdoshmërisht edhe një forcë të brendshme. Ndërkohë, Enri Çene, sekretar për Marrëdhëniet Ndërkombëtare në PD, tha se rendi botëror liberal ka marrë fund.
Evarist Beqiri – jurist, pedagog
Ndryshimin e kanë vetë në dorë iranianët. Janë 42 mijë të vrarë në protestat e fundit. Atje është black out total. Kjo flet për mendësinë e regjimit. Një regjim po nuk u kris nga brenda, sado armiq të ketë jashtë, është e vështirë. Deri tani nuk e shohim një të tillë.
Nuk parashikoj tërheqje të SHBA nga NATO në planin afatshkurtër. NATO europiane mund të funksionojë politikisht por jo ushtarakisht. Tani jo ende. Europa nuk e ka atë fuqi ushtarake që të jetë faktor në politikën globale. Është sistem, demokraci, bashkim vendesh që duhet të vazhdojë.
Ideja e BE dhe bashkimit në vlera e ka shmangur luftën. Është një ide që ka funksionuar, pavarësisht problemeve.
Enri Çene – sekretar për Marrëdhëniet Ndërkombëtare në PD
Është e paprecedent përplasja Trump-Papa Leo. Trump mund të jetë duke e bërë për të zhvendosur vëmendjen. Madje ka edhe humor brenda. Është retorikë për vëmendje dhe jo për të krijuar një përplasje të drejtpërdrejtë.
Lufta ndaj Irani ishte çështje kohe. Ishte e pashmangshme. Nëse SHBA nuk do të ndërhynin sot, do të krijohej destabilitet. Të mos harrojmë se në Europë kanë ardhur emigrantë që kanë sjellë me vete kulturën e tyre.
Rendi botëror liberal ka marrë fund. Prandaj krijohen këto përplasjet. Kemi kombe më tepër sovraniste, pa humbur vlerat mbi demokracinë, mbi vlerat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
