9 nëntori, Dita botërore e Lirisë

Sot në mbarë botën, shënohet Dita Botërore e lirisë, në respekt të përkujtimit të rënies së Murit të Berlinit.

Institucioni i Avokatit të Popullit, vlerëson se liria është kushti bazë i çdo shoqërie demokratike dhe themeli mbi të cilin ndërtohet shteti i së drejtës.

Garantimi i lirisë për qytetarët është ndërkohë një domosdoshmëri në kuadrin e lirive e të drejtave të tyre themelore, shprehet Avokati i Popullit për këtë ditë.

Dita Botërore e Lirisë është një festë e shënuar më 9 nëntor.

Në këtë ditë të vitit 1989, ndodhi ngjarja e rëndësishme në histori e rrëzimit të Murit të Berlinit. Muri ndau familjet dhe komunitetet për gati tre dekada. Sot, kjo ditë shënon vendosjen e sistemit demokratik e të lirë, si dhe rënien e totalitarizmit në Europën Lindore përfshi vendin tonë, Shqipërinë.

Dita Botërore e Lirisë festohet më 9 nëntor dhe është krijuar në respekt të përkujtimit të rënies së Murit të Berlinit.

Kjo ditë përkujton fundin e komunizmit në Evropën Lindore dhe Qendrore dhe u caktua në vitin 2001 nga Presidenti Xhorxh W. Bush.

U krijua për të festuar ribashkimin e të dashuruarve të cilët u ndanë nga “Perdja e hekurt” dhe ideologjitë e ndryshme dhe në fund të fundit shërben për të pranuar se vendosmëria e masave mund të ndryshojë kufijtë, të thyejë vendimet e pafavorshme dhe në fund të përcaktojë llojin e lidershipit që dëshiron të jetojë një shoqëri.