Komisioni Parlamentar për Reformën Zgjedhore ka thirrur një mbledhje të enjten në orën 10:00, ndërsa kryetari i këtij komisioni, Damian Gjiknuri, i ka dërguar një ftesë zyrtare Partisë Demokratike që të marrë pjesë në këtë mbledhje.
Mësohet se do të diskutohet për ecurinë e agjendës së punës dhe konkluzionet e tryezës së organizuar nga OSBE-ja në 25 shtator.
Ftesa i është dërguar përfaqësuesit të PD, Ivi Kaso, të cilit i komunikohet të marrë pjesë në mbledhjen e nesërme. Kujtojmë, që Partia Demokratike ka kërkuar në mënyrë të vazhdueshme dorëheqjen e kryetarit të Komisionit të Reformës, Damian Gjiknuri.
Ndërkohë, demokratët kanë bërë publike më parë platformën e tyre për reformën zgjedhore, ku dominon kushti që reforma të kryhet nga një strukturë e posaçme, pjesë e së cilës të jenë edhe përfaqësues të SHBA dhe Evropës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
