Partia Demokratike kërkon verifikim për Elton Banon, kandidatin e koalicionit LSI-PDK, pasi dyshon se ka fshehur dënimin për vjedhje në Angli, çka do ta përjashtonte nga kandidimi në zgjedhjet e 6 marsit.
Selia blu bën me dije përmes një deklarate se i ka kërkuar KQZ-së verifikimin e kandidatit të Lushnjës, pasi ka të dhëna se fshehu dënimin për vjedhje në Britaninë e Madhe.
Sipas informacioneve të verifikuara në rrugë konfidenciale nga Partia Demokratike, rezulton se shtetasi Elton Ilir Bano, i datëlindjes 24.07.1978 ka qenë i proceduar dhe i dënuar në Britaninë e Madhe për kryerjen e veprës penale të vjedhjes, në periudhën 1998-2000.”- thuhet në kërkesën e PD drejtuar KQZ-së. PD thekson se këto të dhëna janë fshehur qëllimisht në deklarimin e kandidatit, një fakt që sjell përjashtimin e menjëhershëm të tij.
Fshehja e këtyre të dhënave ka qenë me qëllim për të penguar institucionet të kryejnë verifikimin.”-thuhet në kërkesën e PD për verifikimin e Elton Banos, kandidat i LSI-PDK për Bashkinë e Lushnjës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
