Rama: Të ardhurat nga rritja e çmimit të naftës, do u kalojnë pensionistëve

Kryeministri Edi Rama bën të ditur se të ardhurat nga rritja e çmimit të naftës përmes taksave, do u kalojnë pensionistëve.

Ndërsa një ditë më parë, nisi shpërndarja e bonusit të verës prej 5 mijë lekësh të reja për pensionistët, Rama tha sot në një takim me të moshuar, se bonusi tregon vëmendjen e premtuar ndaj kësaj moshe.

Fitimi nga të ardhurat prej çmimit të naftës, nuk është mbajtur në buxhet, por është pjesë e bonusit që do marrin pensionistët që nga sot. Të gjitha të ardhurat që erdhën nga rritja e çmimit të naftës nga lufta, do t’i merrni ju. 

 

Nuk janë vetëm pensionistët, por edhe personat me aftësi të kufizuar, të cilët prej kohësh prisnin këtë që ne bëmë, dyfishimin e ndihmës per personat me aftësi të kufizuara. Janë fëmijët me aftësi të veçanta, u mor vendimi dhe fillon tani dyfishimi i ndihmës. 

 

Është vendosur që sigurimet e kujdestarëve të personave me aftësi të kufizuara do i paguajë shteti. 

 

Vendosëm dhe që ju tanimë po e prekni për rritjen e përvitshme të pensioneve, por edhe duke iu qëndruar pranë kur ekonomia na jep mundësi. Dhe ka një që ne për shembull nuk e parashikuam, rritja e të ardhurave nga rritja e çmimit të naftës. 

 

Kështu që të gjitha atë taksë që përfituam nga rritja e çmimit të naftës nga lufta do ta merrni ju. Edhe ata që u ankuan që u rrit çmimi, të ndjehen mirë se kanë kontribuar.