Deklaratat zyrtare të Ministrisë së Financave, se janë shkarkuar një numër i konsiderueshëm punonjësish të tatimeve dhe doganave, mohohen kategorikisht nga Zv/ministrja e këtij institucioni.
Irena Beqiraj thotë në një intervistë për Televizionin Klan se deri më sot, askush nuk është larguar nga detyra dhe të gjithë punonjësit e administratës vazhdojnë punën.
Sipas Zv/ministres, për 36 punonjësit e tjerë që do të merrej masa disiplinore për shkarkim, ende nuk ka ardhur asnjë provë. Pavarësisht kësaj, ajo e sheh të përmirësuar modelin me të cilin u prezantuan fillimisht ministrat teknikë.
Zv/ministrja e emëruar në këtë detyrë në 22 Maj kërkon më shumë bashkëpunim nga ministrat teknikë. Për të nisja e deklaratave në media pa marrë më parë verifikimet nga stafi dhe ekonomistët nuk i shërben klimës së bashkëpunimit.
Beqiraj thotë se nëse materiali që shpërndahet në media do të verifikohej më parë, atëherë do të përhapej më pak panik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
