Eksperti i sigurisë Ilir Kulla tha në emisionin “Zonë e Lirë” se Ballkani do të jetë një nga prioritetet e administratës Trump.
I pyetur mbi bisedën mes Presidentit të ri të SHBA-ve dhe atij serb, Kulla tha se “ janë serbët më shumë trump-ist se sa është Trump-i me serbët”.
“Për ta rikthyer edhe njëherë politikën amerikane në Ballkan erdhi shefi më i lartë i Inteligjencës”, tha Kulla.
Ai bën me dije se John Ratcliffe, i cili pritet të jetë shef i ri i CIA-s, është afër me lobin shqiptar në SHBA dhe ka marrë pjesë në aktivitete të diasporës shqiptare.
“Është i lindur në Çikago, pranë lobit shqiptar në Amerikë. Kam miq të ngushtë që e kanë mik. Është senator i rëndësishëm që ka pasur pjesëmarrje në aktivitetet e diasporës shqiptare në Amerikë. Është bashkëpunëtor i vjetër i Trump-it dhe besnik i Trump-it. Trump ka krijuar besim dhe po i jep drejtimin e CIA-s. Ka pasur mbështetjen e shqiptarëve në fushata elektorale, sepse ka qenë afër me lobin shqiptar. Ka lidhje të vjetra dhe historike me shqiptarët”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
