Gjykata e Apelit shtyn për në 28 prill seancën për ish-ministrin e Brendshëm Saimir Tahiri, ora 09:00.
Seanca ishte parashikuar të mbahej sot në orën 10:30, por pa praninë e publikut dhe medias për të ruajtur distancën sociale.
Seanca në fjalë ishte dhe për ish-Drejtorin e Përgjithshëm të Policisë së Vlorës, Jaed Çela. Mësohet se shkak i shtyrjes ka qenë fakti se avokatët dhe të pandehurit nuk kanë qenë të pranishëm.
Në Shkallën e Parë, Tahiri u dënua me 5 vjet për "shpërdorim të detyrës" por nuk u gjet fajtor për akuzat e trafikut të drogës.
Duke qenë se më parë kishte pranuar gjykimin e shkurtuar, atëherë dënimi, sipas vendimit, u konvertua në 3 vjet e 4 muaj shërbim prove.
Si përfundim të dyja palët, si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit që që nga java tjetër do të fillojë me gjykimin e dosjes.
Prokuroria e akuzonte Tahirin se në kohën kur ishte ministër i brendshëm bashkë me ish- drejtorin e Policisë Vlorë, Jaeld Çela kanë bashkëpunuar me Moisi Habilajn apo vëllezërit e tij që bashkë korrespondojnë të jenë kushërinj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
