Kandidati i Lëvizjes Vetëvendosje në Shqipëri, Boiken Abazi, i cili nuk arriti të merrte një mandat deputeti, kërkon shpalljen e pavlefshmërisë së zgjedhjeve dhe rivotimin në të gjithë Qarkun e Tiranës.
“Bazuar mbi faktet që po grumbullojmë mbi shkeljet në Qarkun Tiranë në lidhje me ankesën që do të dorëzojmë në KQZ / KAS ditën e hënë, ne kërkojmë dhe presim shpalljen e pavlefshmërisë së zgjedhjeve dhe rivotimin në të gjithë Qarkun e Tiranës”, shkruan ai.
Mbrëmjen e së enjtes, në emisionin “Të Paeskpozuarit”, në MCN TV, Abazi tha se që në nisje të procesit të numërimit, votat e tij janë shpallur të pavlefshme nga komisionerët.
Pretendimet e tij, gjatë emisionit, Abazi i ka shoqëruar me prova duke publikuar foto dhe video.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
