Pak orë para nisjes së protestës së thirrur nga Partia Demokratike në orën 18:00, punonjësit e Kryeministrisë kanë larguar pemën dhe instilacionin që ndodheshin pranë këtij institucioni, ndërsa po punohet aktualisht për vendosjen e fonive dhe materialeve që nevojiten.
Gazetari Mariglen Kume tha përmes një lidhjeje të drejtpërdrejtë me studion e lajmeve të MCN Tv se PD nuk ka pritshmëri shumë të mëdha sa i përket pjesëmarrjes. Duke vijuar Kume tha se nuk përjashtohen përplasjet mes protestuesve dhe policisë.
Berisha do të dalë rreth orës 18: 00 nga selia e PD, ku do të bëjë ecje në këmbë së bashkë me qytetarët dhe deputetët që do të dalin nga atje. Kryeministria është thuajse e blinduar. Fasada e parë është veshur me shtresë metalike, ndërsa pema është larguar pak orë para nisjes së protestës.
Edhe protestuesit e “Shqipëria bëhet” janë larguar nga vendi ku po qëndronin. Do të ketë shenja revolte të qytetarëve. Nuk përjashtohen përplasjet me punonjësit e policisë që do të qëndrojnë pas gardhit metalik të vendosur në perimetrin e jashtëm të Kryeministrisë.
Pritshmëritë e PD për sa i përjet pjesëmarrjes nuk janë të larta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
