Pa përmendur emra, gazetari Ylli Rakipi pyeti kryeministrin Edi Rama në MCN, ndërsa katër familje kanë marrë valët televizive dhe “bëjnë çfarë u do qejfi”, për arsyen pse kreu i qeverisë nuk thotë asnjë fjalë për to, por u drejtohet me ofendime vetëm gazetarëve.
“S’jam marrë më me gazetar dem baba dem. Fatkeqësia është kur dalin përpara disa që i thonë vetes analistë. A ka një provë që unë kam lidhje me fatin e emisionit tënd? Çfarë kontrolli mediash bëj? Cilët media kontrolloj kur TV, ekranet, portalet, s’ka gjë që nuk thonë”, tha Rama.
Rakipi: Ata që të kanë ndihmuar ty deri më dje, 20 ditë më parë kanë qenë në takime të fshehta me pjesën tjetër.
Rama: Atyre të medias nuk i jap asnjë mundësi maksimale. Ka pronarë mediash që kanë dhe aktivitete të tjera. Nuk u hyjnë asgjë në këmbë. S’ka një gazetar që cenohet për arsye të atyre që thotë. Viktimizim kot. Është një shprehje: ‘Ata që ankohen më shumë për lirinë e shtypit, abuzojnë me lirinë se s’kanë çfarë thonë’. Viktima të një regjimi imagjinar. Ku është regjimi? Shqipëria s’ka lidhje fare me regjimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
