Komisioni i Ankesave dhe Sanksioneve në KQZ rrëzon me shumicë votash kërkesën e PD për provat shtesë për qarkun e Shkodrës. KAS rrëzoi marrjen e 19 provave të reja të paraqitura nga PD.
Dy anëtarë të KAS kërkuan të administrohen si provë të dhënat e kryqëzuara nga pajisjet e identifikimit elektronik të zgjedhësve, shenjave të gishtave për zonën zgjedhore në qarkun Shkodër nëse ka raste të votimit të dyfishtë ose familjar.
Komisioni i Sanksioneve dhe Ankesave vendosi ta vazhdojë nesër seancën.
Më herët KAS vulosi përfundimisht rezultatin për qarkun Gjirokastër, Vlorë dhe Berat.
Në Berat u pranua kërkesa për rinumërimin e votave të partive zgjedhore për 114 kuti me kërkesë të LSI dhe ajo që u vu re ishte se nga rreth 35 mijë fletë votimi të numëruara për herë të dytë bë Berat, LSI ka rikuperuar gjithsej me 15 vota, nga 77 që i duheshin për t'i marrë mandatin Partisë Socialiste.
Rikuperimi prej 15 votash nga dhjetëra mijëra vota të numëruara tregon se proporcioni është totalisht i papërfillshëm.
Po ashtu KAS vendosi të rrëzojë kërkesat e PD dhe LSI për shpallje pavlefshmërie dhe përsëritje të zgjedhjeve në Berat, Gjirokastër dhe Vlorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
