Kreu i opozitës Lulzim Basha i pyetur në lidhje me listat për deputetë, nisjen e një Republikë të Re, por me Sali Berishën brenda dha këtë përgjigje.
Ai nënvizon se në çdo situatë Berishën do e vendoste sërish në lista.
“Sali Berisha vjen si një kandidat për deputet pasi ka hequr dorë nga të gjitha funksionet në parti.
Çfarëdo liste të kisha bërë unë të jesh i sigurt që Sali Berisha do të ishte në listë.
Kjo për shkak të kontributeve në vite që ai i ka dhënë jo vetëm PD-së, por vendit”, tha ai në Top Story.
I pyetur në lidhje me akuzat e kandidatit të PD-së për Beratin, Lefter Maliqi, i cili tashmë është larguar duke dalë në mbështetje të të majtëve, kreu i PD-së Lulzim Basha tha se vendimi për të mos e vendosur të dytin në listë ishte i drejtë.
“I vetmi koment që kam është që mora vendimin e drejtë për të mos e kandiduar të 2, por të 3 në Berat. Më mirë do të ishte të mos e kisha kandiduar fare”, tha Basha në Top Story.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
