Drejtori i Përgjithshëm i MCN TV, Endri Meksi, e ka vlerësuar si mjaft pozitiv progres-raportin e Bashkimit Europian për Shqipërinë, ndonëse ka pranuar se vendi përballet ende me problematika në fushën e sundimit të ligjit.
Në një lidhje me "MCN Live", Meksi theksoi se dokumenti dëshmon hapat përpara që po bën vendi në procesin e integrimit, pavarësisht fushave kritike që kërkojnë ndërhyrje imediate.
Ai u shpreh se institucionet europiane e shohin me sy pozitiv ecurinë e përgjithshme, duke nënvizuar nevojën për reforma politike dhe zgjedhore gjithëpërfshirëse përpara sfidave të radhës elektorale.
Korrupsioni mbetet sfidë ashtu si krimi i organizuar dhe çështje të tjera, por ky progres avancon rrugëtimin e Shqipërisë drejt BE-së; puna e SPAK paraqet një sërë problemesh dhe padyshim kërkohet dhe lëvizja politike. Me rëndësi është reforma zgjedhore që duhet të përfshijë sa më shumë palë dhe gara të jetë sa më e hapur për zgjedhjet e ardhshme.
Në tërësi progres-raportin e shoh pozitiv për Shqipërinë. Raportin e kam lexuar për të kuptuar rëndësinë që secilës pjesë i ka dhënë BE. Çështja Balluku është një ngjarje e rëndësishme e vitit të kaluar, por jo për të penguar integrimin e Shqipërisë në BE, është evidentuar si shumë e shumë ngjarje të tjera.
Është tagri i Parlamentit shqiptar, dhe në atë raport nuk cënohet parlamentarizmi shqiptar. Ata kanë evidentuar një ngjarje të ndodhur në 2025 dhe s'ka më rëndësi, kaq. Parlamenti Europian te ai progres-raport nuk më duket i shqetësuar në këtë sens, se ndryshe do kërkonte heqjen e imunitetit për deputetët. Në tërësi ai është një raport që mbetet pozitiv. Pra me rëndësi mbetet që BE po ndjek aferat shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
