Partia Demokratike është tërhequr nga bashkëpunimi me mazhorancën për të realizuar në dy komisionet e posaçme, reformën territoriale dhe reformën zgjedhore.
Deputeti i PD-së Luçiano Boçi tha përmes një lidhjeje të drejtpërdrejtë me studion e lajmeve të MCN Tv se ky vendim i opozitës ka ardhur për shkak të qëndrimit të mazhorancës.
Duke vijuar, Boçi tha se opozita do të punojë duke marrë parasysh kërkesat dhe shqetësimet e qytetarëve dhe se do duihet të njihet nga partnerët ndërkombëtarë si propozime që mund të imponohen në rrugë të ndryshme.
Produkti është një produkt i cili në hapat që do vijnë, në dinamikën politike që po vjen, duket qartazi që do të jenë produkte që mund të realizohen pasi jam i bindur që kjo mazhorancë nuk e do e ketë kohën aq të gjatë deri në momentin e miratimit të konkludimeve të komisioneve të personalizuara, qoftë ai për reformën zgjedhore apo qoftë ai për reformën territoriale.
Është punë që do e bënin gjatë kohës që do ishim të përfshirë në komision, duhet të ketë dhe shpërfaqjen e saj. Kjo punë përfaqëson kërkesat dhe shqetësimet e qytetarëve. Mungesën e shërbimeve në territor, performancën e ulët të bashkive, mosrealizimin e premtimeve.
Këto duhet të njihen nga partnerët tanë ndërkombëtarë si propozime që mund të imponohen në rrugë të ndryshme nëpërmjet autoriteteve që ata kanë, në rastin e menaxhimit të konkludimeve të dy komisioneve me qëllim që të bëhen pjesë e përfundimit të këtyre komisioneve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
