Zgjatja e afateve të vetingut, ambasada e SHBA: Drejt një sistemi drejtësie më të fortë!

Pas votimit në Kuvend për zgjatjen e mandatit të organeve të vetingut, ka reaguar ambasada e Shteteve të Bashkuara të Amerikës.

Në një postim në rrjete sociale, ambasada e SHBA thotë se me votimin e bërë në Parlament, është shënuar një hap i rëndësishëm për të çuar para të gjithë shtetasit shqiptarë.

Reagimi:

Shtetet e Bashkuara përshëndesin miratimin e zgjatjes së mandatit të vetingut në Parlament. Ky është një hap i rëndësishëm përpara për të gjithë shqiptarët – drejt një sistemi drejtësie më të fortë, më të besueshëm dhe drejt integrimit europian. Shtetet e Bashkuara do ta mbështesin gjithmonë Shqipërinë përgjatë kësaj rrugë të rëndësishme.