Gazetari Xhevair Zhabina në emisionin Fact Check ka komentuar arrestimin e Fredi Belerit për të cilin u shpreh se duket dosje e vështirë pasi dhe veprimet janë bërë brenda disa ditësh.
Ai tha se ajo që sheh nga dosja është se Beleri nuk është i përfshirë vetë në shpërndarjen e parave, por janë bashkëpunëtorët e tij që e kanë bërë dhe korrupsioni është pak vështirë për tu vërtetuar.
Kjo historia që ishte bashkëpunëtori, e merr përsipër dikush tjetër, kemi pasur dhe raste të tjera që prokuroria ka dështuar të vërtetojë korrupsionin. Megjithatë fakti është se Beleri ka qenë aktiv deri ditën e zgjedhjeve, por do ishte interesante nëse prokuroria dhe policia do e kapnin në flagrancë atë duke shpërndarë para. Përgjimi është një indicie që të çon te prova, por këtu jemi vetëm në kuadrin e një premtimi, fakti është se ai nuk ka shpërndarë dokumente greke, më duket pak e vështirë dhe mendoj se ka qenë në kuadrin e premtimeve elektorale që ka bërë.
Por a ka ndikuar kjo te rezultati në Himarë, mendoj se jo sepse zgjedhësit kishin kohë dhe do kishin votuar ndryshe nëse do donin, Himara është gjithmonë interesante sa i takon zgjedhësve. Mendoj se do kemi ndryshim të masës së sigurisë, ndoshta në arrest shtëpie dhe pastaj detyrim paraqitje dhe automatikisht ai do vazhdojë të ushtrojë detyrën kryebashkiakut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
