Ish-Kryeministri Sali Berisha ka reaguar pas publikimit të listës me të dhënat e mbi 600 mijë shtetasve shqiptare. Në një postim në rrjete sociale, Berisha thotë se ky është skandali më i madh dhe goditja më e rëndë për qëllime elektorale.
Reagimi i plotë:
Superskandal i fundit i Narkoshtetit!
Kreu i meduzës dhe banda e tij në narkoqeveri në një superskandal që mund të ndodhë vetëm në një narkoshtet nxori në pazar edhe pagat e të gjithë punonjësve, zyrtarëve të narkoshtetit të tij.
Ky akt i shëmtuar është dhe superskandali më i madh dhe goditja më e rëndë për qëllimet elektorale por dhe të tjera të zeza të një të dhëne personale kryesore siç është paga për të gjithë punonjësit e Shqiperisë. Narkoshteti është shteti i bandave dhe drogës!
Dënoj me ashpërsinë më të madhe këtë akt të pashembullt që dëshmon dhe njëhere fytyrën e zezë të narkoshtetit dhe kreut të tij të meduzës Edvin Rama!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
