Katër vjet më parë, qeveria e Shqipërisë dhe Kosovës zhvilluan mbledhjen e parë të përbashkët. Mbledhja e dy kabineteve, “Thaçi” dhe “Rama”, u zhvillua më 11 janar 2014 në Prizren, i zgjedhur jo rastësisht për shkak të peshës që ka pasur Lidhja e Prizrenit në historinë e shqiptarëve.
Të dy kryeministrat Thaçi dhe Rama, nënshkruan “deklaratën për bashkëpunim dhe partneritet strategjik ndërmjet Republikës së Kosovës dhe Republikës së Shqipërisë”.
Kjo marrëveshje përfshinte fushën e transportit dhe infrastrukturën dhe bashkëpunimin tregtar.
Të dy kryeministrat u pajtuan që të themelojnë edhe një fond të përbashkët për Luginën e Preshevës.
Mbledhja e 11 janarit të 4 viteve më parë është pasuar nga tri të tjera të kësaj natyre, e fundit ajo e zhvilluar në 27 nëntor 2017 në Vlorë, mes kabinetit “Haradinaj” dhe “Rama 2”.
Ajo i hapi rrugën që tradite që në 15 dhjetor të vitit të kaluar do të shtrihej përtej takimeve qeveritare Shqipëri-Kosovë. Në këtë datë u zhvillua në Pogradec mbledhja e parë e përbashkët mes kabinetit shqiptar dhe atij maqedonas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
