Deputeti demokrat i qarkut të Kukësit, Flamur Noka, ka apeluar qeverinë të mos provojë banorët e Kukësit.
Në një deklaratë për mediat, Noka thotë se me policë nuk mbrohet dot vjedhja se do të jenë policët të parët që do t’i braktisin Xhafajn, Ramën dhe hajdutët e tjerë. Detyra e policisë është të mbrojë qytetarët dhe jo vjedhjen.
"Gjendja në Kukës zgjidhet duke hequr tarifën grabitqare të Rrugës së Kombit dhe jo duke kërcënuar me më shumë policë dhe më shumë dhunë. Sot eshte koha te shfuqizohet menjeherë tarifa e Rrugës së Kombit e cila duhet të paguhet nga fondi prej 200 milionë euro qe u merren shqiptarëve çdo vit me taksën e qarkullimit", deklaroi Noka.
Deputeti i PD-së thekson se kërcënimet e Edi Ramës dhe bandës së tij grabitqare nuk trembin askënd.
"I bëjmë thirrje të mos guxojnë të provokojnë më tej qytetaret, sepse zemërimi i tyre do t’i marrë përpara", tha Noka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
