Gjykata Themelore e Prishtinës ka caktuar 6 prillin si data e mbajtjes së shqyrtimit fillestar në rastin ndaj Liburn Aliut, dhe të tjerëve, të cilët po akuzohen për keqpërdorim të detyrës zyrtare.
Zëdhënësja e Gjykatës së Prishtinës, Mirlinda Gashi e ka konfirmuar se gjyqtari i rastit, Alban Ajvazi, këtë datë, e ka caktuar si datë të mbajtjes së shqyrtimit fillestar ndaj ministrit të Mjedisit, Planifikimit Hapësinor dhe Infrastrukturës Liburn Aliu.
Të akuzuar me Aliun, janë edhe Ardian Olluri, Nazife Krasniqi, Bahtie Uka, Mimoza Berisha Prestreshi si dhe Zejnulla Rexhepi.
Ministri i Mjedisit, Planifikimit Hapësinor dhe Infrastrukturës, Liburn Aliu akuzohet për veprën penale të keqpërdorimit të detyrës zyrtare për kohën kur ishte drejtor i Drejtorisë së Urbanizmit në Komunën e Prishtinës.
Në ndërkohë pretendimet për aktakuzë ndaj tij i kishte mohuar vet ministri Aliu. Ai tha se nuk ka qenë në dijeni se ka pasur një aktakuzë ndaj tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
