“Konfirmoni numrin e punonjësve”/ Deputeti i PD: Rama po synon ta kthejë festën e negociatave në një antimiting!

Deputeti i Partisë Demokratike, Luçiano Boçi, nëpërmjet një mesazhi të publikuar në rrjetin e tij social, thotë se i është dërguar administratës për të marrë pjesë më 28 korrik në festën për hapjen e negociatave.

Boçi shkruan se gjoja-festën për hapjen e negociatave Rama synon ta kthejë në një antimiting të 7 Korrikut. Sipas tij, urdhrat verbalë e sms janë të prerë.

Postimi i plotë:

Rama gjoja-festën për hapjen e negociatave po synon ta kthejë në një antimiting të 7 Korrikut.

Kërkon t’i dëftejë botës mbarë se sa të lumtur janë shqiptarët nën regjimin e tij.

Për këtë kërkon ta marrë zvarrë administratën bashkë me gëzimin e saj që ajo ta shpërthejë me zor atë në shesh.

Urdhrat verbalë e sms janë të prerë.

Askush të mos mungojë!!!

Tamam tamam i bie sipas asaj shprehjes me pak ndryshim:

“Kërcen administrata nga belaja”