Pas mbledhjes së grupit parlamentar të Partisë Demokratike, deputeti Edi Paloka, akuzoi kryetarin e komanduar të partisë, Enkelejd Alibeaj se e drejton grupin me axhendën e Kongresit të Partisë Socialiste.
Ai tha për mediat se fjalët e para të Alibeajt ishte që Sali Berisha është larguar dhe deputetët që e mbështesin janë të përjashtuar.
Sipas tij, Alibeaj ka shkelur të gjithë parametrat, duke nënvizuar se pranimi i drejtimit të mbledhjes prej tij, u bë në mënyrë që të mos krijohej klimë përçarëse në PD.
E pranuam për të tentuar bashkimin, pasi Partinë Demokratike e drejton Komisioni i Rithemelimit i cili do të funksionojë deri ditën e Kuvendit të ardhshëm. Në grup ka vetëm 2-3 deputetë që ndjekin axhendën Basha-Rama.
Në vijim Paloka deklaroi se deputetët demokratë kërkojnë normalizimin e punës në Partinë Demokratike, por edhe bashkim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
