Kryeministri Edi Rama është ndalur përgjatë ditës së sotme në qytetin e Vlorës.
Rama vizitën e parë në qytetin bregdetar e ka zhvilluar në Orikum, ku në bazën e Pashalimanit është finalizuar marrëveshja për prodhimin e anijeve luftarake.
Marrëveshje kjo mes qeverisë shqiptare dhe një firme italiane, që do të prodhojë në Pashaliman anije ushtarake.
Marrëveshja e bashkëpunimit është lidhur ndërmjet shoqërisë shqiptare KAYO sh.a. dhe kompanisë italiane të ndërtimit të anijeve Fincantieri.
Në bazë të kësaj marrëveshjeje, në Pashaliman do të prodhohen mjete lundruese, fillimisht për nevojat e Forcave të Armatosura dhe më pas për eksport në tregjet ndërkombëtare, duke e pozicionuar Shqipërinë si një qendër të re prodhuese në rajon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
