Dialogu ndërmjet Prishtinës dhe Beogradit është ndërprerë që nga nëntori i vitit të kaluar, kur autoritetet në Prishtinë vendosën tarifën ndaj mallrave serbe. Kryeministrja Brnabiç tha se vija e kuqe për Beogradin është pikërisht kjo tarifë.
“Unë e kam thënë, dhe sa i përket kësaj edhe presidenti Vuçiç ka qenë i qartë, vija jonë e kuqe është tarifa e Prishtinës e cila duhet të hiqet. Nuk i durojmë presionet. Të gjithë partnerët tanë e kuptojnë se ndaj Serbisë nuk mundet më të bëhet presion”, ka thënë Bërnabiq.
Sipas asaj që raporton e përditshmja serbe “Telegraf”, kryeministrja serbe Bërnabiq, nuk pret asnjë marrëveshja mes Beogradit dhe Prishtinës para tetorit, referuar mediave serbe se mund të pritet një marrëveshje e tillë: “Unë absolutisht nuk pres marrëveshje të Beogradit e Prishtinës deri në tetor dhe nuk kam asnjë arsye të besoj se kjo mund të ndodhë”, tha kryeministrja e Serbisë. Ajo u shpreh se nuk ka asnjë arsye për të besuar në këtë, sepse jemi larg dialogut për zgjidhjen përfundimtare, si dhe marrëveshjen për normalizimin e marrëdhënieve.
Kryeministrja e Serbisë, Ana Bërnabiç tha se përcaktimi i kufirit me Kosovën nuk ka qenë asnjëherë në agjendë mirëpo ka ekzistuar si njëra ndër alternativat e mundshme.
Por, sa i përket vazhdimit të dialogut Prishtinë-Beograd, kryeministrja Bërnabiq tha se Prishtina tash e gjashtë vite nuk i respekton marrëveshjet e Brukselit dhe nuk e ka formuar Asosacionit e Komunave Serbe, transmeton Telegrafi.
Ajo kujtoi se dialogu u ndërpre kur Prishtina filloi të nxiste lëvizje të njëanshme që ishin kundër bisedimeve dhe që synonin ndalimin e dialogut të Beogradit. Ajo theksoi se Prishtina nuk kishte përmbushur një nga detyrimet e vetme që kishte në Marrëveshjen e Brukselit për gjashtë vjet dhe se as BE-ja që nuk ishte garant, bëri asgjë për ta bërë Prishtinën të përmbushë detyrimin e saj.
E pyetur nëse kishte ndonjë presion, Kryeministrja serbe tha se nuk ishte, sepse, shtoi ajo, partnerët tanë tani e kuptojnë se Serbia nuk është një vend që mund të jetë nën presion dhe se të gjitha presionet dhe ultimatume mund të jenë vetëm kundërproduktive
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
