Drejtoria e Arkivave solli sot në vëmendje 15 marsin e vitit 1991, datë kur u rivendosën marrëdhëniet diplomatike Shqipëri-SHBA.
Pas një shkëputjeje 52-vjeçare prej perëndimit, Shqipëria nënshkroi në Uashington memorandumin e mirëkuptimit, që parashihte çeljen e ambasadës shqiptare përtej atlantikut.
Për këtë arsye, në organikën e ministrisë së punëve të jashtme shtoheshin 5 punonjës, një ambasador i jashtëzakonshëm dhe fuqiplotë, dy diplomatë dhe dy punonjës teknikë (shifranti dhe shoferi).
Shpenzimet e nevojshme prej 270 mijë dollarësh për hapjen dhe funksionimin e ambasadës dhe për pajisjen e saj me autovetura dhe me orendi të ndryshme, duheshin përballuar brenda planit të miratuar për vitin 1991 (lexo dokumentin).
Ndërsa, ambasada e SHBA-së në Tiranë u hap më 1 tetor 1991, me Kristofer Hill të ngarkuar me punë “ad interim”.
Hill u pasua nga ambasadori Uilliam Eduin Rajerson, i cili ia paraqiti kredencialet e tij qeverisë shqiptare më 21 dhjetor 1991.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
