Ish-kreu i PD-së në Kukës, Ibsen Elezi, i ftuar në “MCN Live”, komentoi situatën e brendshme të Partisë Demokratike dhe takimet e ish-deputetit Ervin Salianji me demokratët, duke theksuar se veprimet e tij nuk përbëjnë një lëvizje të duhur për PD-në sot.
Elezi e cilësoi Salianjin si një person “të certifikuar për falsifikator” që nuk ka një kod moral dhe nuk mund të drejtojë një lëvizje politike.
E para, nuk është lëvizje, sepse një lëvizje kërkon pikëpamje dhe synime të qarta, të deklaruara.
Këta që lënë synimet e hapura, të tillët si ‘Ramizistët e rinj’, gjithmonë mendojnë se do zëvendësojnë shokun Enver, por kjo nuk funksionon në demokraci.
Në demokraci duhet të përballesh, të kesh kod moral dhe qëndrime të qarta. Këta nuk i kanë asnjë nga këto.
Ai shtoi se Salianji, me një karrierë të pasigurt dhe pa shtyllë kurrizore, nuk mund të krijojë një lëvizje politike serioze:
Salianji është certifikuar për falsifikator.
Të jesh një person i paqëndrueshëm, pa kod moral dhe të pretendosh të krijosh një lëvizje, kjo është për t’u shqetësuar.
Janë njerëz që nuk qëndrojnë as para vendimeve të mëdha.
Të njëjtët njerëz që dolën më 8 janar me Sali Berishën janë të paqëndrueshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
