Ministri i Energjitikës dhe Infrastrukturës Rrugore Damian Gjiknuri ka reaguar për situatën e përmbytjeve në qytetin e Vlorës.
Përmes një deklarate për mediat, Gjiknuri deklaron se është rikthyer normaliteti në portin e Vlorës.
"Një lajm i mirë për të gjithë qytetarët e Vlorës, por edhe pjesë tjetër të Shqipërisë që zgjidhin portin e Vlorës. Porti i Vlorës i është kthyer normalitetit. Intensiteti i valëve të detit ka rënë, pra fuqia e dallgëve ka rënë, do të thotë që gjithçka i është kthyer normalitetit. Shpresoj që edhe porti i Durrësit me qetësimin e dallgëve edhe ai do të funksionojë totalisht. Unë përgëzoj të gjithë administratën e portit, por edhe të gjithë personelin mbështetës të cilët po funksionojnë normalisht dhe qytetarët janë të mirëpritur të vazhdojnë shërbimin normal në port, siç kanë bërë gjithmonë", deklaroi Gjiknuri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
