Propozimi në mbledhjen e PS, 11 krerët e degëve që mund të shkarkohen

Partia Socialiste do të shkarkojë kryetarët e degëve, që nuk kanë kryer siç duhet punën gjatë muajve të fundit.

Propozimi i diskutuar dje në mbledhjen e Kryesisë së PS-së dhe grupit parlamentar, u bë i ditur në përfundim të saj nga deputetja Elisa Spiropali.

Deputetja socialiste e motivoi shkarkimin e kryetarëve të degëve me “vonesa të pajustifikueshme në riorganizimin e partisë, në fushatën e anëtarësimeve dhe në degët lokale”.

Në një deklaratë pak më vonë, PS sqaroi se në mbledhje propozimi për shkarkim ishte hedhur për diskutim, por do të jenë drejtuesit politikë të qarqeve si dhe asambletë e rretheve ata që do të vendosin në lidhje me fatin e 11 kryetarëve lokalë të PS-së.

Kryetarët e PS që janë propozuar për t’u shkarkuar

1. Arvit Osja – Shkodër

2. Gëzim Salla – Cërrik

3. Afrim Mikli – Dibër

4. Agron Ivani – Kurbin

5. Edvin Tuci – Përmet

 6. Nertil Bellaj – Selenicë

7. Erold Begolli – Devoll

8. Edmonda Harizaj – Memaliaj

 9. Abedin Katana – Tropojë

10. Elton Arbana – Shijak

11. Arjan Çepele – Ura Vajgurore