Edhe pse Presidenti Ilir Meta nuk ka shpallur ende datën e zgjedhjeve të pjesshme lokale në të paktën 3 Bashki të vendit, partitë opozitare pritet të shkojnë të ndara.
Ish-deputetja Silva Caka konfirmoi për MCN Tv se LSI mund të shkojë me kandidatët e saj në zgjedhjet e pjesshme lokale.
Gjithsesi Caka nuk mohoi një koalicion të mundshëm me grupin e Berishës, por hodhi poshtë çdo mundësi për një bashkëpunim tjetër me Partinë Demokratike të Lulzim Bashës.
Edhe anëtari i Komisionit të Rithemelimit të PD, Edmond Spaho siguroi se krahu i Berishës do të ketë kandidatët e vet në zgjedhje, që do të përcaktohen me primare.
Presidenti Meta ka kërkuar së fundmi informacion nga Komisioni Qëndror i Zgjedhjeve dhe Kryeministria për bashkitë që nuk kanë kryetar. KQZ ka konfirmuar deri më tani mungesën e kryetarëve në bashkitë Shkodër, Dibër dhe Vorë
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
