Marrëveshja e armëpushimit në Gaza, Begaj: Zbatimi i plotë, thelbësor për paqe të qëndrueshme

Presidenti i Republikës, Bajram Begaj ka përshëndetur arritjen e marrëveshjes së armëpushimit në Gaza.

Përmes një postimi në X ai ka vlerësuar përpjekjet e ndërmjetësimit nga Shtetet e Bashkuara, Katari, Egjipti dhe të tjerët, teksa thekson se zbatimi i plotë i saj mbetet thelbësor për paqe.

Përshëndes  marrëveshjen për armëpushim në Gaza, që shënon fundin e më shumë se 15 muajve të konfliktit. I vlerësoj përpjekjet e ndërmjetësimit nga Shtetet e Bashkuara, Katari, Egjipti dhe të tjerëve. Zbatimi i plotë i marrëveshjes është thelbësor për një paqe të qëndrueshme dhe për lehtësimin e vuajtjeve për të gjithë ata që janë të prekur në rajon.

Welcomed the ceasefire agreement in Gaza, marking an end to over 15 months of conflict.

I applaud the mediation efforts of the United States, Qatar, Egypt and others.

Full implementation of the agreement is essential for a lasting peace and relief for those affected in the…

— Bajram Begaj (@BajramBegajAL) January 16, 2025

Marrëveshja komplekse e armëpushimit midis Izraelit dhe grupit militant Hamas, i cili kontrollon Gazën, u njoftua të mërkurën pas muajsh ndërmjetësimi nga Katari, Egjipti dhe SHBA, dhe 15 muaj gjakderdhje që shkatërruan territorin bregdetar dhe ndezën rajonin e Lindjes së Mesme.

Marrëveshja përshkruan një armëpushim fillestar gjashtë-javor me tërheqjen graduale të forcave izraelite nga Rripi i Gazës, ku dhjetëra mijëra janë vrarë.

Si Izraeli ashtu edhe Hamasi kanë pranuar publikisht një armëpushim dhe është arritur marrëveshja për shkëmbimin e robërve, megjithëse Izraeli ka thënë se disa detaje përfundimtare ende duhet të zbulohen përpara se marrëveshja të nënshkruhet.