Kryetari I Partisë Demokratike, Lulzim Basha ka reaguar pas deklaratës së ish-kryeministrit Sali Berisha se ai është duke u mbajtur peng nga Edi Rama me dosjen “Toyota Yaris”.
Përmes një reagimi në “Twitter”,Basha thotë se Berisha ëshë duke përdorur “trillimet si të kundërshtarit”. Ai shprehet se Berisha është duke e akuzuar atë për të njëjtën gjë që akuzoi Rama para një jave, ndërsa më tej shton se përgjigja është po e njëjta.
“Çfarë keqardhje ta shohësh Sali Berishën të bjerë poshtë e më poshtë çdo ditë me trillimet dhe sulmet identike si të kundërshtarit. Ajo që deklaroi Sali Berisha sot është ekzaktësisht ajo për të cilën më akuzoi Edi Rama javën e kaluar. Përgjigjja ime ndaj Sali Berishës është e njëjta që i dhashë Edi Ramës. Asnjë trillim nuk do ta shndërrojë PD në mburojë të interesave personale”, shkruan Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
