Gazetari Neritan Sejamini thotë se në Shqipëri, politika është e lidhur ngushtë me krimin. Kjo është sipas tij, problemi më i madh që ka Shqipëria. Sejamini tha se kriminaliteti në shkallë të lartë e pengon zhvillimin e një vendi.
Sot politika nuk jeton dot pa krimin. E ka element të rëndësishëm të vetin. Kemi një problem të madh me krimin dhe duhet të jetë temë kryesore, jashtë rasteve të veçanta. Ky është problemi kryesor që ka sot Shqipëria. Në njëfarë mënyre, ne po e mbrojmë krimin. Në Britaninë e Madhe ka krim shqiptar. Kemi dyfishin e të burgosurve të Polonisë në Britani. Ne nuk merremi me këtë problem, por dalim e themi po na fyen Anglia. Anglezët nuk janë të çmendur. Ka një problem të krimit shqiptar atje. Nëse ka një gjë që e shkatërron një vend është krim. Të gjitha vendet që janë prodhuese dhe trafikuese të lëndëve narkotike janë vende të pazhvilluara. Kjo sepse krimi shkatërron ekonominë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
