Kreu i LSI-së Petrit Vasili ka kritikuar skemën e taksimit të qeverisë mbi të ardhurat personale, e sidomos fashën e pagave mbi 1 milionë e 300 mijë lekë, e cila taksohet me 23%.
Në një komunikim LIVE me ndjekësit në rrjetet sociale, Vasili është shprehur se taksa prej 23% e atyre profesionistëve në vend që marrin një rrogë mbi 1 milionë lekë të reja, ka dekurajuar dukshëm informalitetin e për këtë ka një faktor domethënës, faktin se nga 12 mijë persona që paguanin këtë tatim, tashmë kanë mbetur vetëm 6 mijë.
Vasili tha se LSI në programin e saj ka një taksim më të drejtë mbi të ardhurat personale, duke treguar se ata qytetarë që marrin rrogë nga 350 mijë lekë të vjetra deri në 2 milionë lekë, do të taksohen me vetëm 8%.
“Taksa absurde prej 23 ka dekurajuar, ka rritur dukshëm informalitetin, pasi nga 12 mijë që paguanin tatime, në pak kohë ajo u pakësua në 6 mijë persona.
Ne kemi premtim të qartë, të gjithë ata persona që shpërblehen nga 350 deri në 2 milionë lekë, taksa do të jetë vetëm 2%.
Ndërsa ata që paguhen mbi 2 milionë lekë të vjetra, do të jetë 10%. Pra një ulje me më shumë se 200 e ca %.”-tha Vasili.
Vasili gjithashtu ka deklaruar se premtimi i qeverisë për 300 mijë vende pune nuk është realizuar, pavarësisht se janë bërë tentativa jokorrekte sipas kreut të LSI-së, pëer të quajtur vende pune, ato poste që janë formalizuar.
"Në bindjen time nuk është një realizim i mbajtur. Kjo maxhorancë nuk i ka realizuar në këto 4 vjet premtimin e 300 mijë vendeve të punës."-deklaroi Kreu i LSI.
Për më tepër ndiqni VIDEO-n:
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
