Komisioneri evropian për zgjerim, Johannes Hahn, ka deklaruar se qëllimi kryesor i takimit të cilin liderët e Gjermanisë dhe Francës e organizojnë më 29 prill në Berlin me zyrtarët e Ballkanit Perëndimor, duhet të jetë zgjidhja e bllokadës së dialogut mes Prishtinës dhe Beogradit, raporton Zeri.info.
Hahn ka përshëndetur iniciativën e Berlinit dhe Parisit dhe interesimi i tyre i ripërtërirë për rajonin, por ka paralajmëruar se zgjidhja e kësaj çështje, nuk mund të imponohet nga jashtë.
“Është e qartë se një zgjidhje e qëndrueshme duhet të vjen nga dy vendet për të cilat bëhet fjalë, të cilat në fund duhet të zbatojnë marrëveshjen e mundshme dhe t’jua prezantojnë qytetarëve të tyre”, ka deklaruar Hahn gjatë intervistës për agjencinë gjermane të lajmeve, ‘DPA’, transmeton Zëri.
Hahn ka deklaruar se iniciativat e tilla rregullisht iniciohen nga vendet anëtare të BE-s, ndërsa integrimi i Ballkanit Perëndimor në BE, është prioritet politik për tërë Unionin, çka njëzëri e kanë konfirmuar të gjitha vendet anëtare., transmeton më tutje "Zëri".
Komisari evropian ka paralajmëruar se shtyrja e hapjes së bisedimeve për kyçje mes BE-s dhe vendeve të Ballkanit Perëndimor, të cilat kanë bërë përparim në përmbushjen e kritereve, siç është Maqedonia e Veriut dhe Shqipëria, mund ta destabilizojë tërë Ballkanin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
