A do të jetë Bardhi sërish kryetar i grupit të PD? Flet Sali Berisha

Kryedemokrati Sali Berisha u pyet sot nga gazetarët nëse Gazment Bardhi do të jetë sërish kryetar i grupit parlamentar të PD-së në sesionin e ri parlamentar. Berisha vlerësoi punën e Bardhit, por theksoi se do të jetë grupi që me votë do të përcaktojë kryetarin e grupit. 

“Në vazhdim. PD do i ketë në vazhdim proceset. Do i përcaktojë grupi të gjitha... Unë nuk po prononcohem, por unë kam vlerësim qartësisht për detyrën që Gazment Bardhi ka kryer si kryetar grupi. Por një gjë, funksionet ne i përcaktojmë në mënyrë demokratike.

Ka rregulla aty dhe do zbatohen ato rregulla. Por Gazment Bardhi, meqë po më pyet mua, gjykoj se e ka kryer me dinjitet dhe e përmbush me dinjitet atë detyrë. Do jetë grupi që përcakton se kush do jetë kryetari i grupit... A ka mundësi që sekretin e votës të ma respektosh? Të vetmen gjë...”