Gazetari Mariglen Kume, thotë se Partia Demokratike është në pritje të vendimmarrjes qeverisëse dhe të mbledhjes së parlamentit për të ndërmarrë hapat e mëtejshëm.
Nga studio e “MCN Live” ai deklaroi se lëvizjet e vetme që priten nga selia blu, janë për grupin parlamentar dhe kreun e tij.
Vonesa që ka bërë deri diku Kryeministri Rama me qeverinë dhe mbledhjen e parlamentit, ka krijuar vonesë edhe te Partia Demokratike, se deri më tani nga të gjitha informacionet brenda PD, nuk priten zgjedhje të brendshme për strukturat.
Lëvizjet e vetme që priten janë ato për grupin parlamentar, sa i përket jetës parlamentare. Edhe nëse mblidhet kryesia e re dhe grupi i ri parlamentar për tu konstituar nuk mund të marrin një vendimmarrje sa i takon pjesës parlamentare, nëse do marrin mandatet dhe do bojkotojë.
Sa i takon vendimmarrjeve për kreun e grupit parlamentar, për të cilin zoti Berisha ka thënë që do ia lërë grupit ta vendosë.
Nëse do jetë garë me dy emra, edhe të tjerë nga Partia Demokratike e kanë thënë se zoti Bardhi e rrezikon këtë post, pasi nuk ka mbështetjen që ka pasur.
Pas grupit parlamentar do caktohet kryesia e vogël, kryetarët e komisioneve, që në dijeni opozita do drejtojë katër komisione.
Po ashtu do caktohen dhe nënkryetarët e komisioneve parlamentare. Në këtë sesion do të ketë 11 komisione nga 8 që kanë qenë më parë dhe nga këta, 7 do i drejtojë mazhoranca dhe 4 opozita.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
