“Vodhi shtëpinë e Benzemasë”, kur Berisha denonconte drejtorin socialist të Ujësjellësit

Drejtori i Ujësjellësit në Kurbin, Alfred Prodani, u arrestua sot nga Policia e Lezhës pasi kërkohej për vjedhje me dhunë në Spanjë.

Kujtojmë që 41-vjeçari është denoncuar nga ish-kryeministri Sali Berisha që ka publikuar një mesazh në rrjetet sociale.

Në mesazhin e publikuar nga Berisha thuhej se drejtori socialist kishte vjedhur shtëpinë e yllit të Realit të Madridit Karim Benzema.

“Përshëndetje z. Berisha, jam një qytetar nga Laçi. Ma pyet pak kryeministrin ku ndodhen dy drejtorët, njëri prej të cilëve i Ujësjellësit, apo janë në burg në Spanjë, ku akuzohen për vjedhjen e shtëpisë së futbollistit të Real Madridit, Benzema,” thuhej në mesazh.

Prodani do të reagonte asokohe duke i hedhur kategorikisht akuzat.