Ka nisur ditën e sotme cikli i dëgjesave publike për Kodin e ri Penal, ku ministri i Drejtësisë Ulsi Manja tha se deri me tani ka patur mjaft komente dhe diskutime si dhe shqetësime për aspekte të veçanta teknike të vete draftit dhe të procesit për hartimin e kodit të ri si dhe për rolin e Ministrisë së Drejtësisë.
Ai deklaroi se nga momenti i publikimit të draftit në webin e ministrisë, deri më tani ka ardhur një numër i vogël komentesh.
Manja sqaroi se roli i ministrisë në këtë proces, është ai i porositësit i draftit të Kodit te ri Penal të Republikës së Shqipërisë, duke porositur drejtorin e Shkollës së Magjistraturës, Arben Rakipi.
Në procesin e hartimit të ligjeve, ka dy rrugë ose nëpërmjet drejtorisë së kodifikimit dhe legjislacionit ose nëpërmjet grupit të punës të ekspertëve të fushës të kontraktuar nga Ministria e Drejtësisë.
Kemi zgjedhur ketë të dytën për shkak të rëndësisë që ka Kodi Penal. Pas reformës në drejtësi në 2017, është miratuar strategjia ndërsektoriale e drejtësisë. Strategji e cila përcaktoi objektivat në katër vite në fushën e drejtësisë.
Në pikën 4 të kësaj strategjie thuhet që Shqipëria merr përsipër përmirësimin e legjislacionit penal.
Në shkurt 2019 janë kryer vlerësimet e para për marrjen e iniciativës për hartimin r kodit te ri penal, për disa ndryshime në kodin ekzistues.
Pjesa e përgjithshme e Kodit Penal është materializuar në vitin 2020 dhe grupit të punës i janë shtuar herë pas herë ekspertë të fushës, nga avokatia, prokuroria, ekspertë te lirë etj.
Drafti i hartuar i është përcjellë edhe disa ekspertëve italianë për mendim. Ekspertët e kanë konkluduar opinionin e tyre dhe kanë dhënë përgjigje në korrik 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
